Tərkibi:
1 paket orta yoğunluqda çubuq makaron
5 stəkan su
5 stəkan süd
1 baş incə doğranmış soğan
3/4 stəkan un
3 ədəd doğranmış pomidor və 2 xörək qaşığı tomat pastası
2,5 xörək qaşığı kərə yağı
Duz
Qara bibər
4 ədəd yumurta
150 qram holland və ya qravye pendiri

Hazırlanması:
5 stəkan suyu qazana tökün, duz əlavə edib qaynadın. Qaynayan suya makaronları atın, 15-20 dəqiqə bişirin. Makaronları çıxarıb süzgəcdən keçirin.
Sous üçün ayrı tavada soğanı kərə yağında qovurun, azacıq qızarıb-ağaran soğanlara un əlavə edin, qovurmağa davam edin. Sonra duz və qara bibər əlavə edin, südü ahəstə şəkildə tökün, qatılaşana qədər qarışdırın, doğranmış pomidorları əlavə edərək qarışdırmağa davam edin.
Bişmiş makaronları qazana töküb üzərinə doğranmış pedir, sous, çırpılmış yumurtalar əlavə edərək yaxşıca qarışdırın, içi yağlanmış qəlibə töküb 170 dərəcə isidilmiş sobada 40 dəqiqə bişirin.
Sobadan çıxarandan sonra 15 dəqiqə gözləyin, sonra qazanın ağzına boşqab qoyun, qazanı tərs çevirin, alınmış makaron yığınını dilim-dilim doğrayıb süfrəyə verin.


Nuş olsun!

---

Etiketlər: əlavə, doğranmış, stəkan, dəqiqə, bişirin, tökün, bibər, qazana, makaronları, davam, qarışdırın, qaşığı, töküb, edərək, sonra, makaron, xörək, dilim, dərəcə, qəlibə